Ikigo cy’Igihugu gishinzwe uburezi bw’ibanze REB cyatangaje ko cyatangiye gutanga mudasobwa ngendanwa15,000 mu mashuri yo hirya no hino mu gihugu.
Nk’uko byatangajwe na REB, mudasobwa ngendanwa (laptop) zisaga ibihumbi 15 arizo zatangiye kugezwa ku bigo by’amashuri hirya no hino mu gihugu mu rwego rwo gushyigikira ikoranabuhanga mu mashuri.
REB yatangaje ko mudasoba ngendanwa 15,000 arizo zigomba gutangwa mu mashuri 483 hagamijwe kuyafasha kwimakaza ikoranabuhanga mu burezi kuva ku banyeshuri n’abarimu. Iyi gahunda ifite intego yo kwongerera ubushobozi mu ikoranabuhanga no gushyigikira ireme ry’uburezi.
Gutanga izi mudasobwa byahereye mu Ntara y’Iburasirazuba.
U Rwanda ni kimwe mu bihugu bishyize imbere ikoranabuhanga ndetse Minisiteri y’Uburezi yashimangiye ko izakomeza gushyira imbaraga mu kwimakaza ikoranabuhanga harimo n’ubwenge buhangano AI.
INEZA Marianne-UBUREZI.RW
